Ikasleak eta graduatuak

Dorleta Fernandez

prozesuetako industria-ingeniari teknikoa

Bizitza osoan entzun izan dut mailuen soinua, baina duela urtebetera arte ez dut enpresa barrutik ikusi. A zer-nolako aldea! Industria-ingeniaritzako ikasketak amaitzen nituen bitartean hasi nintzen Alcortan lanean, eta ezin nuen esperientzia honek emango zidan guztia imajinatu. Alcorta ez da oso enpresa handia, eta horrek, lan-giro onarekin batera, asko lagundu dit ikasketak eta lana uztartzen. Zalantzarik gabe, aldi berean ikastea eta lan egitea gomendatuko nuke. Enpresa bateko egunerokoa bizitzeak lagundu egiten dizu ikasgelan azaltzen dizutena askoz hobeto ulertzen, eta ordainsaria ez da curriculumean soilik islatzen.

Jonathan Bouza

BT departamentua

Hilabete baino ez daramat Alcortan, baina nahikoa izan da ikasketak bukatu bitartean hemen lan egitearen abantailez gozatzeko. Hasieran, zalantza neukan erronka hori onartu ala ez, ez bainituen ikasketak utzi nahi. Hala ere, ikasketak alde batera uztea ez da beharrezkoa izan; antolaketa-apur batekin eta Alcortak eman dizkidan erraztasunekin, bi gauzak bateratu ahal izan ditut. Eta are gehiago, bata bestearen osagarri izan da. Enpresa bateko egunerokoa ezagutu ahal izateak ikasgelan azaltzen digutena ulertzen lagundu dit. Eta zalantzarik gabe, Alcortan egitea hautaketa ona izan da.

Nerea López de Aguileta

marketin-diseinuko ingeniaria

Duela urtebete inguru, masterreko praktikak Alcortan egitea eskaini zidaten, eta harrezkero, hemen lan egiten jarraitzen dut. Ni diseinuko ingeniaria naiz, eta forjaketari buruz nekien apurragatik, ez nekien nire profila egokia izango zen. Ez nekien zer espero, lehen ez baitut sektore honetako enpresa batean lan egin, baina esperientzia ezin hobea izaten ari da. Lehen unetik, mundu guztiak babestu nau, eta nire lana egiteko izan dudan askatasuna itzela izan da; Alcortaren ezaugarrietako bat pentsamolde irekiko enpresa izatea da, eta hori nabaritu egiten da, lanean, pertsonengan, gizarte-konpromisoan… Enpresa paregabea da.